भिडियो हेर्न तल क्लिक गर्नुहोस् !
|
|
चलचित्र ‘अन्तराल’ को ‘यहाँ त च्वाँक च्वाँक तरुनी पाइन्छन् कि के हो’ भन्ने संवाद अहिले चर्चामा छ । चलचित्रको प्रचारका लागि मोफसलको भ्रमणमा निस्किएको ‘अन्तराल’ युनिटले शनिबार पोखराका पत्रकारलाई सिनेमाको बारेमा जानकारी गराएको छ ।पत्रकार सम्मेलनमा चलचित्रमा समावेश उक्त संवादको चर्चा पनि खुबै भएको थियो । निर्देशक दिपा बस्नेत सहितको टोलीले ‘अन्तराल’ रंगीन सपना देख्ने चरित्रहरुको कथा भएको जानकारी संचारकर्मीहरुलाई गराएका थिए ।
आफ्नो डेब्यु चलचित्र राम्रो बनेको र दर्शकले मन पराउने विश्वास निर्देशक बस्नेतको थियो । सिनेमाको इनिसियल व्यापारका लागि मात्र देश दौडाहामा निस्किएको भनाई निर्देशक बस्नेतको थियो ।
यो चलचित्रमा मानव सुवेदी, नम्रता सापकोटा, कमलमणी नेपाल, राजकुमार पुडासैनी, अशिष्मा नकर्मी, घनुभाई जोशी, लोकेन्द्र लेखकको मुख्य भुमिका छ । देशदौडाहामा रहेको चलचित्रको युनिटले आइतबार बुटवलमा पत्रकार सम्मेलन गरेको छ ।
जीवनसाथी फिल्मस्को व्यानरमा तयार भएको यो चलचित्र जेष्ठ ३ गेतबाट प्रदर्शनमा आउँदैछ । पोखराका संचारकर्मीहरुले ‘अन्तराल’का बारेमा उत्सकुतापुर्ण जिज्ञासा राखेका थिए । चलचित्रको युनिट बुटवल पश्चात चितवन, धरान, दमक, विर्तामोड, सर्लाही, हेटौडामा पत्रकार भेटघाट गरी काठमाण्डौ र्फकने बताइएको छ । - OnlineKhabar
भिडियो हेर्न तल क्लिक गर्नुहोस् !
|
|
